Россияда коронавирусга қарши вакцинани кўнгиллиларда синаб кўриш жараёни якунланди. Бу ҳақда мамлакат Мудофаа вазирлигининг 48-Марказий илмий-тадқиқот институти раҳбари, Россия Фанлар академияси мухбир аъзоси, биология фанлари доктори, тиббий хизмат полковниги Сергей Борисевич «Красная звезда» газетасига берган интервюсида маълум қилган.
Унинг сўзларига кўра, бугун, 20 июль куни 20 кишидан иборат иккинчи, сўнгги кўнгиллилар гуруҳи Бурденко касалхонасидан чиқарилади.
Борисевичнинг таъкидлашича, олимлар олдида ҳали жуда катта таҳлилий ишлар турибди. Хусусан, олимлар якуний ҳисоботни тайёрлаш, натижаларни тақдим этиш, шунингдек, вакцинани давлат рўйхатидан ўтказишга ҳозирлик кўриш билан шуғулланадилар.
Профессорнинг айтишича, синовдан ўтган фуқароларда коронавирусга қарши антитаначалар пайдо бўлган, вакцина хавфсиз ва одамда яхши қабул қилинган.
Маълумот учун: коронавирусга қарши вакцина жорий йил август ойи ўрталарида сотувга чиқиши мумкин.
