Аввал хабар қилганимиздек, бугун Халқаро пресс-клуб Ўзбекистонда коронавирус тарқалиши билан боғлиқ вазиятни таҳлил қилиш учун навбатдаги сессиясини ташкил этди.
Халқаро пресс-клубнинг навбатдаги сессиясида Бош вазир ўринбосари Беҳзод Мусаев карантин муддати чўзилиши билан боғлиқ саволга жавоб қайтарди:
"Президентимиз иқтисодиётимиз ишлаши керак, деган талабни ўртага қўйдилар. Албатта, карантин қоидаларига қатъий риоя этган ҳолда. Бу жуда муҳим. Энди 1 августдан карантин муддати суриладими, деган саволга келсак, ушбу масалага мавжуд вазиятдан келиб чиқиб қайтилади", - деди у.
