"Тез ёрдам" дастурида тиббиёт фанлари номзоди, Ўзбекистон Республикаси инновацион соғлиқни сақлаш Миллий палатаси тиббий стандарт ва протоколларни ишлаб чиқариш бўлими бошлиғи Ёдгорова Клара Тоҳировна билан суҳбат бўлди.
Кўрсатувда иштирок этган Клара Ёдгорова Жаҳон соғлиқни сақлаш ташкилоти ва бошқа кўплаб давлатлар томонидан зарарли деб топилган «Плаквенил» дори воситасини даволаш протоколлардан чиқариб ташлаш ҳақида гапиргач, унга нисбатан телефон орқали таҳдид бўлгани ҳақида гапирган.
Маълумот ўрнида: Плаквенил инсон юрак фаолиятига жиддий зарар етказади. Ўзбекистон эса юрак касаллиги бор беморлар сони бўйича дунёда юқори ўринларда туради.
