Қайд этилишича, актриса «Ёввойи нарсалар» деб номланган комик телесериалда суратга тушган.
Ушбу сериалда, шунингдек, Селим Байрактар, Хазал Туресан ҳамда Айтача Ушун каби актёрлар ҳам рол ижро этган, деб ёзди интернет манбаларга таяниб Дарё.
Сериалнинг ҳар бир қисми 20 дақиқалик бўлади. У турк телеканалларидан бирида эфирга узатилиши режалаштирилган.
Нургул сериал барча ёшдаги томошабинларга манзур бўлишига ишонишини билдирган.
Нургул Яшилчой театр ва кино актрисаси бўлиб, у ўзбек томошабинларига «Ишкомли уй», «Кўсем», «Парчаланган юраклар» каби телесериаллар билан яхши таниш.
