“Ислом давлати” террорчилик гуруҳи Калифорниянинг Сан-Бернардино шаҳридаги оммавий қотиллик масъулиятини ўз зиммасига олди, деб хабар беради “Lenta.ru”.
“ ‘Ислом давлати’нинг икки издоши бир неча кун аввал Сан-Бернардино шаҳрида отишма уюштирди”, — дейилади хабарда.
Маълумотларга кўра, отишмалардаги асосий айбланувчи Сайед Фарук камида икки террорчилик ташкилоти, хусусан “Ал-Қоида” ва “Жабхат-ан-Нусра” вакиллари билан мулоқотда бўлган. Бундан ташқари Фарукнинг рафиқаси отишмадан бир неча дақиқа аввал ўзининг Facebook`даги саҳифасида “Ислом давлати” террорчилик гуруҳи раҳбари Абу Бакр аль-Боғдодийга содиқ эканлиги ҳақида онт ичган.
Эр-хотин жиноятчиларнинг адвокати эса аёлнинг “оғир, босиқ” эканлигини таъкидлаган.
Эслатиб ўтамиз, 2 декабрь куни Сан-Бернардино шаҳридаги отишмаларда 14 киши ҳалок бўлган эди.