Нью-Йоркдан Бомбейга учаётган самолёт Москванинг Домодедово аэропортига шошилинч қўндирилди, деб хабар беради “Lenta.ru”. Самолёт учувчиси йўловчилардан бирининг соғлиги ёмонлашгани сабаб шундай қарорга келган.
Air India авиакомпаниясининг Boeing-777 самолёти командири фавқулодда вазиятлар агентлигига йўловчиларидан бирининг ҳушдан кетганини маълум қилган. Самолёт қўнган пайтда қўловчи комага тушган эди. У зудлик билан шифохонага етказилган.
Парвоз вақтида соғлиғи ёмонлашган йўловчи 1981 йилда туғилган Ҳиндистон фуқароси эканлиги айтилмоқда.
6 декабрь куни шунга ўхшаш ҳолат “Победа” авиакомпаниясининг самолётида кузатилган эди. Ўшанда бош мия саратонига чалинган 12 ёшли бола самолёт бортида вафот этган.