“Йўлқурилиш” акциядорлик жамиятига Ерниязов Руслан Муптуллаевич бошқарув раиси этиб тайинланди.
Агентлик ахборот хизмати хабар беришича, ягона акциядорнинг қарори билан жамият кузатув кенгаши таркиби ҳам тасдиқланди:
Бекенов Сунатулла Хусанович – Давлат активларини бошқариш агентлиги директори;
Назаров Шуҳрат Бахтиёрович – Транспорт вазирлиги ҳузуридаги Автомобиль йўллари қўмитаси раиси ўринбосари;
Холмуродов Нозимжон Қосимович – Инвестициялар ва ташқи савдо вазирининг ўринбосари;
Абидов Акмал Джурабаевич – Вазирлар Маҳкамаси бош мутахассиси;
Арзикулов Нодир Шодиевич – Давлат активларини бошқариш агентлиги департамент бошлиғи.
Эслатиб ўтамиз, Президентнинг 2019 йил декабрдаги тегишли ҳужжатларига кўра, “Йўлқурилиш” АЖ ташкил этилган. Унинг ягона акциядори сифатида Давлат активларини бошқариш агентлиги белгиланган.
