❗️2020 йилнинг 8 ойи давомида мамлакатимиздан Тожикистонга давлатга 13,8 млн долларлик қурилиш материаллари экспорт қилинган. Жумладан, 273, 9 тонна обой, 1 207,6 минг метр квадрат керамик плитка, 3 582,743 минг метр квадрат гипсокартон, 6 041,9 тонна қуруқ қурилиш қоришмалари етказилган.🔹Бу ҳақда “Ўзсаноатқурилишматериаллари” уюшмаси ахборот хизмати маълумот берди. 🏗 Шунингдек, уюшма томонидан Тожикистон инвестиция жалб қилинган йирик лойиҳалар ҳам амалга ошириляпти. Ана шундай лойиҳалардан бири бу - Сурхондарё вилоятининг Бойсун туманида умумий қиймати 19 млн доллар бўлган “PR INVESTMENT CO” МЧЖ томонидан янги цемент заводи барпо этиляпти. 👷🏻♀️ Мазкур корхона йилига 400 минг тонна сифатли цемент ишлаб чиқариш имкониятига эга бўлади. Янги цемент заводи 2021 йилнинг иккинчи ярмида қуриб фойдаланишга топширилади. Ҳозирда бу ерда қурилиш монтаж ишлари олиб борилмоқда. 💵 Шу кунгача инвестиция лойиҳани амалга ошириш учун 4,4 млн доллар ўзлаштирилган. |
