24 сентябрь куни Тошкент метрополитени баъзи бекатларининг кириш қисмлари ёпилади

Тошкент метрополитени йўналишларининг баъзи бекатларига кириш қисмлари 24 сентябрь куни ишлаб чиқариш зарурати сабабли соат 05:00 дан бошлаб ёпилади. Бу ҳақда Ўзбекистон Транспорт вазирлиги ахборот хизмати томонидан маълум қилинди.

Вазирлик томонидан берилган хабарга кўра, 24 сентябрь куни қуйидаги кириш қисмлари ёпилади.

«Чилонзор» йўналиши:

«Пушкин» бекати — «Салар» кўприги томондан кириш қисми;

«Ҳамид Олимжон» бекати — «Ўзмиллийбанк» томондан кириш қисми;

«Амир Темур» бекати — 50-мактаб томондан кириш қисми;

«Мустақиллик майдони» бекати — Мустақиллик майдони томондан кириш қисми;

«Халқлар дўстлиги» бекати — Tashkent City томондан кириш қисми;

«Novza» бекати — «Novza» масжиди томондан кириш қисми;

«Мирзо Улуғбек» бекати — «Миллий» стадион томондан кириш қисми.

«Ўзбекистон» йўналиши:

«Тошкент» бекати — «Тошкент почтаси» томондан кириш қисми;

«Ойбек» бекати — Фармацевтика институти томондан кириш қисми;

«Космонавтлар» бекати — Интерпол биноси томондан кириш қисми;

«Тинчлик» бекати — Газ лойиҳалаш институти томондан кириш қисми.

«Юнусобод» йўналиши:

«Мингўрик» бекати — Геология музейи томондан кириш қисми;

«Абдулла Қодирий» бекати — Гёте институти томондан кириш қисми;

«Минор» бекати — Молия институти томондан кириш қисми;

«Бодомзор» бекати — «Ўзмиллийбанк» томондан кириш қисми;

«Шаҳристон» бекати — «Юнусобод» бозори томондан кириш қисми;

«Туркистон» бекати — Учқаҳрамон томондан кириш қисми.

Вазирлик хабарида юқорида санаб ўтилган кириш қисмлари қайси сана ва вақтгача ёпиқ бўлиши маълум қилинмаган.