Кеча, 2 октябрь куни Бухоро вилояти, Пешку тумани ҳудудидан ўтувчи А-380 автомобиль йўлининг 393-километрида, ҳайдовчи, 1980 йилда туғилган А.Т. бошқарувидаги юк автомашинасининг тиркамасида ёнғин юзага келган. Бу ҳақда ЙҲХББ хабар бермоқда.
Ёнғин ўт ўчирувчилар томонидан бартараф этилган.
Ёнғин натижасида тан жароҳати олганлар йўқ. Фуқаро Ғ.Э.га тегишли бўлган тиркама ва унинг ичида бўлган паст навли той пахта ёниб кетган.
Автомобиль тиркамаси пўлат устунларининг бир-бирига тегиб механик учқун ҳосил қилиши, учқуннинг тез ёнувчи махсулотлар устига тушиши оқибатида ёнғин келиб чиққанлиги тахмин қилиниб, моддий зарар миқдори аниқланмоқда.
Ҳолат юзасидан, Пешку тумани ФВБ ва ИИБ ЙҲХБ томонидан суриштирув ишлари олиб борилмоқда, дейилади хабарда.
