Миллий тикланиш демократик партияси депутати Жаҳонгир Зияев бир қанча давлатлардаги ўқитувчилар ойлигини келтириб, "Ўзбекистонда мактаб ўқитувчиларининг ўртача ойлик маоши 2018 йил 1 сентябрдан 1 млн 749 500 сўм (222,5 доллар, йилига 2670 доллар)ни ташкил қилади. 2019 йил 1 январдан эса уларнинг маошини 2 млн 501 минг сўмга (318,1 доллар, йилига 3817 доллар) етказиш кўзда тутилган", деб айтган.
Шундан сўнг блогер Зафарбек Солижонов ўз каналида ўқитувчилардан бирининг қуйидаги муносабатини жойлаштирди.
"Ҳозир 1 ставка дарс учун 1.9 миллион сўм ойлик ёзилади. Қўлимга 1.6 миллион сўм тегади. Курсга ҳисобласак 160 АҚШ доллари экан, таҳминан. Менинг ҳисоб-китобларимга кўра, 2018 йил яхши эди. Таҳминан 222 $ олардик, нархлар ҳам ҳозиргидек қиммат эмасди.
Ишга бориб келишимга 2018 йили 2000 сўм кетарди. Ҳозир йўл ҳақи 4 баробар ошган - 8000 сўм кетяпти. Ундан ойлик ошмагани яхшику. Тепадаги депутатнинг фикрини ўқиб ҳайрон қолдим. Ўзим ўқитувчиман, шунақа кўп ойлик оламизми?"
