АОКАда ўтказилган брифингда иштирок этган Коронавирусга қарши кураш штаби аъзоси Нурмат Отабеков аҳолидан тушган ушбу саволга қуйидагича жавоб қайтарди:
" Менимча, бундай кўп аҳолида иммунитетнинг борлиги қувонарли ҳол бўлса-да, бироз ишончсиз рақамлар ҳисобланади.
Айтганингиздек, бизда бу қадар кўп аҳоли касаллангани йўқ, бунинг устига ҳали эмлаш тадбирлари ҳам бошланмади. Рақамларнинг (фоизларнинг) бундай юқори кўрсаткичга чиқишига бир нечта сабаб бўлиши мумкин:
- биринчидан, фақат касалланиб соғайган аҳоли қатлами текширилган. Агар шундай бўлса, уларнинг 15-22% да иммунитетнинг бўлиши — бу ёмон кўрсаткич.
- иккичидан, ҳисоб-китобларда, текширилган аҳоли сони ва унинг таҳлилида (интерпретация) хатоликка йўл қўйилган."
