Жорий йилнинг 7 октябрь куни Гулистон шаҳридаги “Алпомиш” спорт мажмуасида ташкил этилган “COVID-19” инфекциясига гумон қилинган ва касалланган беморларга тиббий ёрдам кўрсатиш, саралаш ва тақсимлаш марказида кислород балони портлаб кетгани ҳақида хабар берган эдик.
Ҳолати юзасидан Бош прокуратура расмий баёнот берди.
Маълум қилинишича, портлаш бўйича Бош прокуратура томонидан Ўзбекистон Республикаси Жиноят кодексининг 257-моддаси 2-қисми билан жиноят иши қўзғатилган.
"Севимли" телеканалининг "Замон" дастури мубири ушбу воқеа тафсилотлари ҳақида батафсил маълумот олиш учун воқеа жойига борди.
ФВВнинг Сирдарё бошқармаси матбуот хизмати раҳбари берган хабарга кўра, коронавирусга чалинган беморларни саралаш ва тақсимлаш марказига айлантирилган Гулистондаги Алпомиш спорт саройида содир бўлган портлашдан сўнг бинода даволанаётган 403 нафар бемор эвакуация қилинган.
