Бугун 9 октиябрь куни соат 10:41 да Юнусобод тумани 15-даҳасидаги кўп қаватли 60-уй хонадонларидан бирида ёнғин келиб чиққан. Бу ҳақда Тошкент шаҳар ФВБ хабар берди.
Ёнғин натижасида уй жиҳозлари 5 кв.м майдонда ёнган. Ёнғин-қутқарув жанговар бўлинмалари манзилга соат 10:48 да етиб борган ва кўрилган тезкор ҳаракатлар натижасида уйнинг 60 кв.м ҳамда уй ичида қолиб кетган икки нафар боланинг ҳаёти сақлаб қолинган.
Ёнғин соат 11:00 да тўлиқ бартараф этилган ҳамда уйга туташ қўшни хонадонларнинг ёнғин натижасида зарар кўриш ва фуқаролар жабирланишининг олди олинган. Ёнғин жойига 3 та ёнғин-қутқарув техникаси жалб қилинган.
