Жизах вилоятининг Ғаллаорол тумани, Булоқбоши ҚФЙ ҳудудидаги Тангисой тоғидан олтин рудасини ноқонуний қазиётган 2 нафар шахс ИИО томонидан қўлга олинди.
Вилоят ИИБ ахборот хизмати хабар беришича, олтин рудасини қазиётган шахсларнинг бири 1995 йилда туғилган А.Х. бўлиб, удан 1 дона электродвигатель, 1 дона перфоратор ҳамда 10 килограмм руда ашёвий далил сифатида олинган.
Худди шундай ноқонуний фаолият билан шуғулланаётган яна бир булоқбошилик, 1977 йилда туғилган А.К. ҳам ички ишлар органлари ходимлари томонидан қўлга олинган. Қонунбузар 1 дона электродвигатель ва 1 дона перфоратор ёрдамида Тангисойдан 10 килограмм руда қазиб олганлиги маълум бўлди.
Ҳолатлар юзасидан Ғаллаорол тумани ички ишлар бўлими ходимлари томонидан суриштирув ҳаракатлари олиб борилмоқда.
