Ижтимоий тармоқларда Тошкент кўчаларининг бирида ёнғин содир бўлаётгани акс этган видеолар тарқалди.
Тошкент шаҳар Фавқулодда вазиятлар бошқармасининг маълум қилишича, ушбу ёнғин бугун 11 октябрь куни соат 8:49 да Учтепа тумани, Фарҳод кўчасида жойлашган "Uchtepa Outlet Centre" савдо мажмуасида содир бўлган.
Ёнғин натижасида мажмуанинг ички ва том қисми 1500 кв.м майдонда ёнган. Ёнғин-қутқарув жанговар бўлинмалари манзилга соат 8:54 да етиб борган ва кўрилган тезкор чоралар натижасида ёнғин соат 9:54 да тўлиқ бартараф этилган. Ёнғин жойига 10 та ёнғин-қутқарув техникаси жалб қилинган.
Ёнғин сабаблари ва ёнғиндан келтирилган моддий зарар миқдори аниқланмоқда.
