Covid-19 га чалинган беморларга ажратиладиган дорилар тўплами орасида витамин D, нам салфетка, тиббий ниқоблар йўқ. Бу ҳолатни кимдир назорат қиладими?
Коронавирусга қарши курашиш штаби аъзоси, Барно Одилова, таъкидланишича, Covid-19 жамланмада витамин Д ва нам салфетка бўлиши кўзда тутилмаган.
"-- Ўрнатилган тартибга мувофиқ коронавирус касаллигига чалинган ва гумон қилинган фуқаролар касалликнинг кечишига қараб амбулатор шароитда ўз уйларида, саралаш-тақсимлаш марказларида ва махсус шифохонада даволанишлари мумкин.
Беморларни дори-дармон билан таъминлашни яхшилаш мақсадида амбулатор шароитда даволанаётган беморларга касаллик тасдиқланган ёки тасдиқланмаган бўлсада барча белгилари мавжуд бўлса, яъни гумон қилинганларга ковид жамланмалари, мулоқотдагиларга гидроксихлорохин таблеткалари амбулатор-поликлиника муассасалари томонидан берилмоқда.
Бундан ташқари, маҳаллий ҳокимликлар ва ҳомийлар томонидан ҳам турли витамин ва минерал комплекслар аҳолига бепул етказиб берилмоқда", деди Б.Одилова.
