Россия Федерацияси “Газпром” компаниясининг Амур вилоятидаги газни қайта ишлаш заводи атрофидаги қатор қурилишларда ишлаш учун 231 нафар фуқаро Навоий халқаро аэропортидан чартер рейс орқали учиб кетгани хабар қилинган эди.
Айни пайтда фуқаролар белгиланган манзилга етиб борган. Ҳамюртларимиз Амур вилоятида қурилаётган газни қайта ишлаш заводи тасарруфидаги шароити ва меҳнат ҳақи кафолатланган ишларга жойлашишади.
Таъкидлаш жоиз, юртдошларимиз ҳозир Россия Федерациясида жорий этилган карантин муддатини ўтамоқда. Сўнг улар мамлакатда жорий этилган эпидемиологик талаблар ва карантин чекловларига риоя қилган ҳолда қурилиш объектларида иш бошлайди.
