Тошкент метрополитенининг мавжуд «Олмазор» станциясидан янги қурилаётган Сергели метро йўналишининг сўнгги - «Қипчоқ» станциясигача тест режимида поезд ўз ҳаракатини амалга ошириб, устки пўлат изларининг тайёрлигини тасдиқлади, дея хабар бермоқда "Ўзбекистон темир йўллари" АЖ Матбуот хизмати.
Бугунги кунда янги Сергели метро йўналишида якуний қурилиш-монтаж ва пардозлаш ишлари олиб борилмоқда.
Эслатиб ўтамиз, янги метро йўналиши ва унинг объектлари қурилиш меъёрлари ва техник талабларига мос равишда, белгиланган муддатларда жорий йил охирига қадар фойдаланишга топширилиши режалаштирилган.
