Маълумки дунёдаги одамлар 4 хилдаги қон гуруҳига мансуб. Хўш, қайси қон гуруҳига эга одамлар коронавирусга энг бардошли ҳисобланади? Бу борада олимлар тадқиқот ўтказди. Унда биринчи қон гуруҳига эга одамлар коронавирусга камроқ чалиниши аниқланди.
Даниялик мутахассислар коронавирусга текширилган 473 мингдан кўпроқ кишининг маълумотларини ўзаро таққослашди. Олинган натижаларга кўра, тест мусбат чиққанлар орасида 0 (биринчи) қон гуруҳига эга одамлар камроқ, А (иккинчи), В (учинчи) ва АВ (тўртинчи) қон гуруҳига эга одамлар нисбатан кўпроқ бўлган.
Олимлар бу омилни биринчи қон гуруҳи организмга вирусларни ўтказувчи эритроцитлар антигенига эга эмаслиги билан тушунтиришган.
Аввалроқ Хитой, АҚШ ва Эрон олимлари коронавирус асоратларидан 2-қон гуруҳига эга одамлар кўпроқ, 3- ва 4-қон гуруҳига эга одамлар эса камроқ ўлишлари ҳақида хулосага келишган эди.
