Россиялик олимлар коронавирусга қарши спрей (пуркагич) шаклидаги вакцина ишлаб чиқармоқчи. Айни пайтда ушбу юмуш билан Санкт-Петербургдаги грипп илмий-тадқиқот институти олимлари шуғулланишяпти. Бу ҳақда platforma.uz РИА Новостига таяниб хабар берди.
Янги препарат грипп вируси асосида яратиляпти. Вакцина ҳозир ҳайвонларда клиник синовдан ўтказилмоқда. У 2021 йилда кўнгиллилар иштирокида амалиётда ҳам текширилади.
Эслатиб ўтамиз, бугунгача Россияда COVID-19 га қарши иккита вакцина рўйхатдан ўтказилган. Спрей шаклидаги эмлаш воситаси синови ҳам муваққиятли якунланса, улар сони учтага етиши мумкин.
