Белоруссиядаги президентлик сайловларида юқори натижага эришган Светлана Тихановскаяни оппозиция ғолиб деб ҳисобламоқда. У 26 октябрда мамлакатда умуммиллий намойиш бўлишини эълон қилди. Тихановскаянинг фикрича ҳукумат халқ танловини тан олмаяпти.
"Белоруслар ушбу қадамни қўйишга мажбур бўлишмоқда. Негаки, уларнинг овози – бу қонун. Бу қонундан бизни махрум қилмоқчи бўлишяпти. Аммо биз қонун устуворлигини қайтарамиз. Бунда бизга халқ бирдамлиги ёрдам беради", — дейилади Тихановскаянинг Telegram-каналдаги («Страна для жизни») баёнотида.
Лидер Белоруссиядаги оммавий йиғинларда ёруғлик ва шовқин берувчи гранаталар қўлланганини айтиб ўтди. Тихановскаянинг фикрига кўра тузум ҳали ҳақиқатни тан олишга, инсонлар талабини қондиришга ва ўз сўзига жавоб беришга тайёр эмас. Демак бу тузум белорус халқининг ишончини қозонолмайди.
