Бу ҳақда Тошкент шаҳар ҳокимлиги ҳузуридаги Рақамли ривожланиш департаменти раҳбари ўринбосари Алексей Хен маълум қилди.
Унга кўра, Тошкент шаҳридаги 114 та чорраҳа ва бошқа жойлар камералар билан таъминланган. Аммо Швейцария компанияси билан ҳамкорликда 2017 йилда ишга туширилган камераларнинг лицензияси тугаган. Ушбу камераларни яна ишга тушириш учун маҳаллий «АБЛ-СОФТ» компанияси томонидан ишлаб чиқарилган дастур, автоком тизимдан фойдаланиш мумкин. Ушбу тизим бутун Республика бўйлаб жорий қилинмоқда.
Мутахассиснинг айтишича, тизимнинг баҳоси 1,1 млрд сўмни ташкил қилади. Агар бу тизим йўлга қўйилса, ушбу пулни икки ойда қоплаш мумкин бўлади. Негаки битта комплекс ойига тахминан 300 млн сўмлик қоидабузарликни қайд этади.
