Ницца шаҳрида пичоқ билан қуролланган киши Нотр-Дам базиликаси меҳмонларига ҳужум қилди, дея ёзди Meduza.
Маълумотларга кўра, уч киши ўлдирилган (битта аёлнинг боши кесилган), яна бир неча киши жароҳат олган. Le Figaro нашрининг ёзишича, бир аёл базиликанинг ўзида, иккинчиси - унинг ёнидаги кафеда ўлдирилган, у жиноятчидан яширинмоқчи бўлган. Учинчи қурбон эркак.
Ҳужумчи полиция томонидан ушланган, у яраланган ва ҳозир касалхонада.
Ҳозирча ҳуқуқбузарнинг шахси ва сабаблари ҳақида ҳеч нарса хабар қилинмаган. Ницца шаҳар ҳокими Кристиан Эстросининг таъкидлашича, воқеа "террорчилик ҳужуми белгиларига эга". Ички ишлар вазирлиги ҳузурида воқеани текшириш учун вазир Геральд Дарманен бошчилигидаги махсус инқироз штаби ташкил этилди.
