Фарғона вилояти Марғилон шаҳрида эшиклари қулфланмаган ҳолатда қаровсиз қолдирган «Gentra» русумли автомашинани олиб қочган жиноий шериклар ушланди. Бу ҳақда вилоят Ички ишлар бошқармаси ахборот хизмати хабар қилди. Хабарга кўра, 9 октябрь куни «Ёвқочар» МФЙ ҳудудида яшовчи фуқаро Б.М. исмли аёл ИИБга мурожаат қилиб бу ҳақда маълум қилган. Унинг мурожаатига асосан 8 октябрь куни соат 10:00 ларда номаълум шахс хонадон олдида эшиклари қулфланмаган ҳолатда қаровсиз қолдирган «Gentra» автомашинасини олиб қочган.  Мазкур ҳолат юзасидан Марғилон шаҳар ИИБ ҳузуридаги тергов бўлими томонидан Жиноят кодексининг 267-моддаси 1-қисми (Транспорт воситасини олиб қочиш) билан жиноят иши қўзғатилган. Олиб борилган тезкор қидирув ҳаракатлари давомида ушбу жиноятни У.Қ., М.A. ва Т.Ш. содир этгани аниқланиб, уларга нисбатан суд томонидан қамоққа олиш тарзидаги эҳтиёт чораси қўлланилган. Маълумот учун, Жиноят кодексининг 267-моддаси 1-қисмида кўрсатилган жиноятни содир этган шахс ўн йилгача озодликдан маҳрум қилиш билан жазоланади. |
20.04.2024, 20:49
Фарғона вилоятининг Марғилон шаҳрида содир бўлган йўл-транспорт ҳодисаси оқибатида бир киши вафот этди. Бу ҳақда вилоят ИИБ хабар берди. Кеча 19 апрель куни 1986 йилда туғилган ҳайдовчи М.Т....
05.11.2020, 11:44
Марғилон шаҳри. 2018 йилнинг декабрь ойларида Қ.Ў. таниши У.О.нинг ишончига кириб, сотмоқчи бўлган ”Damas” русумли автомашинасини 6000 АҚШ доллари эвазига сотиб олишга келишиб, автомашина пулларини...
04.11.2020, 08:31
25 ёшли ходим ювиш учун қолдирилган мижознинг “Gentra” автомашинасини олиб қочди. Уни ушлаш учун машина ойнаси синдиришга тўғри келди.Самарқандда автомашина ювиш шохобчаси ходими мижознинг автомобилини...
