Кеча, 7 ноябрь соат тахминан 01-00 ларда Оҳангарон тумани «Чинор» ЙПХ масканида тунги хизматни ўтаётган Тошкент вилояти ИИББ ЙПХ ходимлари томонидан «Наманган-Тошкент» йўналиши бўйлаб ҳаракатланиб келаётган Lacetti автомобили тўхтатилади.
Бу ҳақда хабар берган Тошкент шаҳар ИИББ Ахборот хизматининг маълум қилишича, автомобиль ва унинг салонини кўздан кечириш давомида қоплар ва қутиларга жойлаштирилган 405 дона (мушаклар) пиротехника воситалари борлиги аниқланиб, холислар иштирокидан расмийлаштирилиб олинади ва қонуний чора кўриш учун ҳудудий ИИБ юборилади.
Ҳозирда мазкур ҳолат юзасидан Оҳангарон туман ИИБ томонидан терговга қадар текширув ҳаракатлари олиб борилмоқда.
