UFC чемпиони Хабиб Нурмагомедов Жастин Гетжига қарши жангидан олдин жиддий жароҳат олгани маълум бўлди.
Буни Хабибнинг ўзи сўзлаб берди:
"Доғистон ва Россияда мени қўллаб турувчилар жуда кўпчиликни ташкил этади. Жангдан аввал жиддий жароҳат олгандим, шу сабабли сентябрь ойининг ўрталари беш кун реанимацияда бўлдим. Кейин фаолиятимга қайтдим ва машғулотларни давом эттирдим. Бироқ бир ҳафтадан сўнг эса бармоғимни ҳам синдириб олдим. Аммо ортга чекинишга ва руҳан синишга ҳаққим йўқ эди. Ўша вақтларда мени қўллаб турганларнинг барчасига миннатдорчилик билдираман",-деди Хабиб.
