Аралаш жанглар устаси Олег Тактаров 24 октябрь куни ўтказилган Хабиб ва Гэтжи жанги келишилганлиги ҳақида гапирди. Бу ҳақда chempionat.com манбасига таяниб olamsport ёзди.
Тактаров Хабиб ва Гэтжининг менежери битта инсон, яъни Али Абдэлазиз эканлигини таъкидлади.
Унинг сўзларига кўра унга UFC 6 даги келишилган жанги ҳақида гапиришни тўхтатишган. Ўшанда Тактаров Энтони Масиас билан жанг қилган эди. Масиас кейинчалик менежери уни мағлуб бўлишга мажбур қилганини айтганди. Ўшанда ҳам икки жангчининг менежери бир киши бўлган эди.
"Ҳозирда ҳеч ким Хабиб ва Гетжи жангини эсламаяпти. Бу жанг келишилган эди. Лекин, менимча бу нормал ҳолат. Агарда имконият бўлса, кўпроқ пул ишлаб олган яхши, албатта.
Менга маъқул келган тарафи шундаки, у оғриқли эмас, шунчаки бўғиш услуби билан жангни якунлади.
Шу тариқа Хабиб ўз фаолиятига якун ясади, соғлиғи ҳам жойида. Шу билан бирга жуда кўп пул ишлади. Мен Хабиб учун хурсандман.
Яхши тарафи шуки, бу жангдан сўнг менга ўша келишилган жангим ҳақида ёзишни ҳам тўхтатишди", – деди Олег Тактаров.
