Олий ва ўрта махсус таълим вазирлиги томонидан талабалар ва уларнинг ота-оналари орасида ўқув жараёнини анъанавий шаклда бошлаш бўйича жамоатчилик фикрини ўрганиш мақсадида 2020 йил 19 — 21 октябрь кунлари онлайн ижтимоий сўровнома ўтказилди.
Ўтказилган сўровнома натижаларига кўра:
- олий таълим муассасаларида ўқув жараёнини анъанавий шаклда бошлашни хоҳловчилар 345 428 нафарни (82%)
- масофавий шаклда давом эттиришни хоҳловчилар 75 808 нафарни (18%) ташкил этди.
Бу ҳақда АОКАда ўтказилган Олий таълим вазирлиги мутасаддилари иштирокидаги матбуот анжуманида маълум қилинди.
