Aмериканинг Moderna компанияси янги коронавирусга қарши вакцинаси синовларининг учинчи босқичида 94,5% самарадорлигини кўрсатганлигини эълон қилди.
Учинчи босқичда 30 минг кишида синовлар ўтказилган. Вакцинанинг иккинчи дозасидан икки ҳафта ўтгач, тадқиқотнинг 95 иштирокчиси касал бўлиб қолган, улардан 90 нафари плацебо ва бештаси вакцинани қабул қилишди, дейилади компания пресс-релизида.
Moderna`дан олинган вакцина mRNA-1273 деб номланади. Бу РНК вакцинаси - рибонуклеин кислота вирусли С-оқсилни ишлаб чиқарувчи сифатида роль бажаради. У Pfizer ва BioNTech вакциналарига ўхшаб ишлайди.
Pfizer ва BioNTech вакциналарининг BNT162b2 коронавирусга қарши эмлаш босқичлари клиник синовларида 90% самарали эканлигини эълон қилинган.
«Спутник V» номли коронавирусига қарши Россия вакцинаси ишлаб чиқувчилари ҳам унинг самарадорлигини 92% деб баҳоладилар.
ВAКЦИНAЛAР ВA УЛAРНИНГ СAМAРAЛAРИ ҲAҚИДA
Pfizer ва BioNTech вакциналарининг "90% самарали" эканлигидан ҳамма хурсанд. Aммо уларни жорий қилишдан олдин бир нечта саволлар мавжуд.
Медузанинг махсус мухбири Светлана Рейтер Россияда Covid-19 вакцинасини олган одамлар билан суриштирув ўтказишда давом этмоқда. Улар ўзида синагач, қандай таъсир қилгани бўйича саволлар бермоқда.
Мана, Aмериканинг Moderna компанияси ҳам коронавирусга қарши вакцинасининг муваффақиятли синовлари ҳақида эълон қилди. Аммо унинг ўзига хос хусусияти нимада? Унинг муваффақияти нимани англатади?
Хуллас, вакциналар борасида саволлар кўп, аммо жавоблар ҳозирча йўқ. Масалан, дунёдаги биринчи коронавирусга қарши вакцина Россияда рўйхатдан ўтганлиги ҳақидаги хабар берилди. У ҳақиқатан ҳам биринчими? Вакциналарнинг қай бири ишончли? Мен қачон эмланишим мумкин?
Бу саволлар ҳар бир инсонда туғлаётган бўлса ажабмас.
