Коронавирус пандемиясини ўта қаттиқ ҳаракат қилган ҳолда тезда тўхтатиш мумкин.
Инфекцияга қарши курашнинг ушбу усулини иммунолог-аллерголог Владимир Болибок маълум қилди. Бу ҳақда Sputnik манбасига таяниб xs.uz ёзмоқда.
Шифокорнинг тахминича, аҳоли ўз уйида қолса ва ҳеч қаерга чиқмаса, эпидемияни икки ҳафта ичида тугатиш мумкин. Зеро, бундай ҳолатда вируснинг тарқалиш занжири тўхтайди.
“Эпидемиологияга оид ҳар қандай дарсликда “Агар юқтирганларни ажратиб, қатъий карантинга риоя қилишга ундасангиз, эпидемияни тўхтата оласиз, чунки вирус инсон организмида абадий мавжуд бўлолмайди. Ёки организм вирус билан бирга нобуд бўлади ёки вирус ўлади, организм эса тикланади”, деб ёзилган”, демоқда Болибок.
Унинг сўзларига кўра, амалда бундай режани амалга ошириш жуда қийин, аммо айнан шундай қаттиқ чоралар Хитой, Тайван, Жанубий Корея ва Вьетнамда ўз натижасини берганлиги айтилмоқда.
