“Ўзсувтаъминот” АЖ таъсисчилигидаги “Мусаффо оби ҳаёт” МЧЖ (давлат улуши мавжуд корхона) бош муҳандиси Р.Н., Зангиота тумани Беруний кўчасидаги 12 та хонадонни ноқонуний сув таъминотига уланганлиги бўйича катта миқдорда жаримага тортмаслик ва ушбу ноқонуний уланишларни қонуний тартибда ҳужжатлаштириб бериш эвазига фуқаро Х.Х.дан 8 млн сўм пора талаб қилган. Бу ҳақда Бош прокуратура Матбуот хизмати маълум қилди.
Аввал келишилган пулдан 100 АҚШ долларини, кейинчалик қолган 600 АҚШ долларини олган вақтида Бош прокуратура ҳузуридаги Департаментнинг туман бўлими томонидан ўтказилган тезкор тадбирда, ашёвий далил билан ушланган.
Мазкур ҳолат юзасидан Р.Н.га нисбатан Жиноят кодексининг 210-моддаси 2-қисми билан жиноят иши қўзғатилиб, тергов ҳаракатлари ўтказилмоқда.
