Маълумки, август ойида Олий Мажлис Қонунчилик палатаси ҳузурида Ёшлар парламенти ташкил этилган эди. Aйни кунларда ушбу Ёшлар парламентининг илк катта форуми ўтказилмоқда. Форум 26-ноябрда старт олган бўлиб, бугун форумнинг учинчи куни.
Ҳозирда вилоятлардан келган Ёшлар парламенти аъзолари Инновацион ривожланиш вазирлигида мутахассислар томонидан ташкиллаштирилган мастер-классда иштирок этишмоқда. Форумнинг ёпилиш маросими кечга яқин Ёшлар ижод саройида бўлиб ўтади.
