Қозоғистонда Ўзбекистондан юборилган помидорларда вирус аниқланди, дея хабар бермоқда мамлакат Қишлоқ хўжалиги вазирлигига таяниб, «Sputnik Kazakhstan».
Қайд этилишича, ушбу мамлакат Қишлоқ хўжалиги вазирлиги Ўзбекистондан жўнатилган помидорни томат меваларининг жигарранг буришган вируси (Tomato brown rugose fruit virus – ToBRFV) бўйича текширмоқда.
Мазкур вируснинг инсон ҳаётига таъсири ҳақида ҳозирча ҳеч нарса аниқланмаган, аммо у иссиқхона хўжаликларида 30 фоиздан 70 фоизгача ҳосилни йўқотишга олиб келиши мумкин.
Таъкидланишича, ToBRFV ўсимликлар вирусининг янги штамми бўлгани учун Ўзбекистон ҳудудида илгари аниқланмаган. ЕОИИ мамлакатларида ҳам ушбу вирусга нисбатан тақиқ мавжуд эмас – Евросиё Иқтисодий комиссияси кенгашининг 2016 йил 30 ноябрдаги №158-сонли қарори билан тасдиқланган карантин объектларининг ягона рўйхатига ToBRFV киритилмаган.
