Бугунги кунда бир киши бошқа одамга қарз берганда ёки бирор нарсани фойдаланишга бериб турганда, ёлланма ишчиларни ишлатганда, шунингдек прокат ва бошқа хизматларда фуқароларнинг паспортини гаровга олиш ҳолатлари учраб турибди. Бу борада қонунда жавобгарлик белгиланган, деб ёзмоқда Ҳуқуқий ахборот канали.
Фуқаролардан паспортларини қонунга хилоф равишда олиб қўйиш ёки паспортларни гаровга олиш мансабдор шахсларга базавий ҳисоблаш миқдорининг ўн бараваридан ўн беш бараваригача (2 млн 230 минг сўмдан 3 млн 345 минг сўмгача) миқдорда жарима солишга сабаб бўлади.
