Россия Соғлиқни сақлаш вазирлиги коронавирусга қарши вакцина «Спутник V»нинг нархини эълон қилди. Бу ҳақда «РБК» хабарига таяниб Замон ёзди.
Қайд этилишича, вазирлик вакцинанинг максимал сотиш нархини белгилаган. «Унинг 2 та компоненти 1942 рубл туради. Бешта икки компонентли тўпламларнинг нархи 9710 рубл этиб белгиланди», — дейди Соғлиқни сақлаш вазири Алексей Кузнецов.
Россиянинг Тўғридан-тўғри инвестициялар фонди раҳбари Кирилл Дмитриевнинг таъкидлашича, вакцинанинг нархи худди шундай таъсир кучига эга дорилар нархидан 2 баробарга арзон. Шунингдек, ушбу вакцина клиник синовларнинг учинчи босқичида самарадорлиги 90 фоиздан юқори бўлган энг самарали вакцина ҳисобланади.
