Олтита ишлаб чиқарувчи компанияларнинг коронавирусга қарши вакциналари тасдиқланиб, 2021 йилнинг биринчи чорагига қадар фойдаланишга тайёр бўлиши мумкин. Бу ҳақда Билл Гейтс айтмоқда, деб ёзмоқда ria.ru.
"Мен 2021 йилнинг биринчи чорагига қадар олтита вакцинани маъқулланишини кутмоқдаман", деди Гейтс коронавирусга қарши эмлашларнинг келажаги ҳақидаги фикрлари тўғрисида.
AstraZeneca, Johnson & Johnson, Novavax, Pfizer/BioNTech и Moderna компанияларидан вакциналар тасдиқланиши мумкин, деди Гейтс. У олтинчи эмловни ишлаб чиқарувчисини айтмаган.
Гейтс 2021 йилдаги эмлаш 2022 йилгача коронавирус пандемиясини енгишга ёрдам беради деган умидда.
Буюк Британия 2 декабрь куни Pfizer/BioNTech (АҚШ ва Германия) томонидан ишлаб чиқарилган вакцинани барча клиник синовлар тугагандан сўнг оммавий фойдаланиш учун сертификатлаган биринчи мамлакат бўлди. 8 декабрь, сешанба куни мамлакатда COVID-19га қарши кенг тарқалган эмлаш бошланди. Биринчи эмлашни Ковентри шаҳрининг 90 ёшли фуқароси олган.
