Сўнгги кунларда мамлакатимизда қалин туман тушиши ҳолати кузатилмоқда. Бу эса ҳайдовчилар автомобиль йўлларида ҳаракатланганида кўришни чеклайди.
Ўзбекистон ИИВ ЙҲХББ ҳайдовчиларга туман шароитида транспорт воситаси тезлигини 10-20 км/соатгача камайтиришни, автомобиль чироқларига ўзгартириш киритмасликни ва қувиб ўтиш қоидаларига қатъий амал қилишни сўраб, мурожаат қилди. Ва қуйидаги тасвияларни берди:
- Йўловчиларни олишда ва йўл четидаги пиёдаларга нисбатан эҳтиёткор бўлиш;
- Ҳаракат вақтида бошқа транспорт воситалари билан оралиқ масофа сақлаш;
- Қалин туман тушганда, автомобиллар орасидаги масофани узоқроқ сақлаш;
- Йўналишни ўзгартирганда янаям эҳтиёт бўлиш;
- Туман тарқалишини хавфсиз жойда кутиб туриш.
