Эрон Amad News янгиликлар порталининг раҳбари, 2017-2018 йилларда мамлакатда бўлиб ўтган норозилик намойишларини фаол ёритган мухолифат журналисти Руҳолла Замни қатл этди. Бу ҳақда gazeta.uz Amad News га таяниб хабар берди.
Журналист шанба куни Эронда осиб ўлдирилган.
Рухоллоҳ Зам янгиликлар портали ва Телеграмдаги Amad News каналининг раҳбари бўлган ва 2017 йил декабридан 2018 йил январигача бўлган Эрон бўйлаб намойишларни фаол равишда ёритиб борган.
Июнь ойида суд Рухоллоҳ Замни "Ердаги коррупция" учун ўлим жазосига ҳукм қилган. «Аль-Джазира»га кўра, журналист кўпинча жосуслик ёки Эрон ҳукуматини ағдаришга уриниш билан боғлиқ ишларда айбланган.
Зам бир неча йил давомида Францияда муҳожирликда яшаган ва 2019 йил октябрь ойида Эрон махсус хизматлари томонидан ҳибсга олинган.
