Транспорт воситалари эгаларининг фуқаролик жавобгарлигини мажбурий суғурта қилиш бўйича қоидалар тасдиқланди. Бу ҳақда Huquqiy axborot канали маълум қилмоқда.
“Электрон турдаги суғурта хизматларини кўрсатиш тартибини такомиллаштириш бўйича қўшимча чора-тадбирлар тўғрисида”ги Ҳукумат қарори қабул қилинди.
Қарорга мувофиқ, электрон турдаги суғурта хизматлари (E-polis) ягона ахборот тизими таркибида амалга оширилади.
2021 йил 1 июлгача ягона ахборот тизими таркибида "E-polis"ларни сотиш ва расмийлаштириш бўйича тегишли ахборот модуллари жорий этилади.
Қарор билан Транспорт воситалари эгаларининг фуқаролик жавобгарлигини мажбурий суғурта қилиш бўйича Е-полисни сотиш, расмийлаштириш ва уларнинг ҳақиқийлигини текшириш қоидалари тасдиқланди.
Унга кўра, Е-полисни сотиш, расмийлаштириш электрон маълумот алмашиш орқали суғурта қилдирувчи билан суғурта ташкилоти ўртасида амалга оширилади.
2021 йил 1 мартдан Молия вазирлиги суғурта ташкилотлари билан биргаликда Транспорт воситалари эгаларининг фуқаролик жавобгарлигини мажбурий суғурта қилиш бўйича E-polisни сотиш, расмийлаштиришни амалга оширади.
E-polis қоғоз шаклидаги шартномага (полисга) тенглаштирилди.
