2020 йилнинг май ойида қабул қилинган ҳукумат қарори билан Транспорт вазирлиги ҳузуридаги Автомобиль йўллари қўмитаси томонидан жорий йилнинг 4 декабридан “Олмаота – Бишкек – Тошкент – Шаҳрисабз – Термиз” автомобиль йўлининг 871- километрида транспорт воситаларининг вазн ва ҳажм параметрларини назорат қилиш кўчма пункти ташкил этилган эди.
Мазкур мобил пункт транспорт воситаларининг вазн ва ҳажм параметрлари ўлчовини амалга ошириш учун махсус ускуналар билан жиҳозланган бўлиб, 10 декабрь санасидан буён узлуксиз равишда фаолият юритмоқда.
Ўзбекистон Республикаси Транспорт прокуратураси томонидан кўчма пунктнинг иш жараёни жойига чиқиб ўрганилди.
Бугунги кунга қадар кўчма пункт орқали жами 73 та юк автотранспорт воситалари назоратдан ўтказилган бўлиб, 64 та юк ташувчилари меъёрдан ортиқча юк билан ҳаракатланганлиги аниқланган ва уларга нисбатан маъмурий баённомалар расмийлаштирилган. Бу ҳақда Транспорт вазирлиги Матбуот хизмати хабар қилмоқда.
