Аввалроқ, 2020 йил 17 декабрдан бошлаб "Tashkent city"га кириш пуллик бўлгани, сўнг эса Жаҳонгир Ортиқхўжаев ва боғ раҳбарининг ҳолат юзасидан изоҳ берганини хабар қилган эдик.
Аҳолининг норозилигига ва кенг жамоатчилик муҳокамасига сабаб бўлган янгилик юзасидан яқиндагина санъатни тарк этган хонанда Жаҳонгир Отажонов Жаҳонгир Ортиқхўжаевга мурожаат билан чиқди:
Бугунги гапларингизни эшитиб ҳеч қайси ишингиз халқ учун қилинмаётганлигини тушуниб етдим. "Aзиз халқим", - деб "Tashkent city" га таклиф қиляпсизу лекин, киришни пуллик қилиб қўйибсиз. Энди бу уятда, уят! Шу ерга киришга ҳам 10 минг сўм оласизми энди?! Ҳоким бўлганингиздан кейин қилган кўп ишларингиз мени норози қилган. Тошкентга кириш жойларида "Welcome to Tashkent" сўзлари ўрнатилди.Нима бизни она тилимиз йўқми? Мажбурмизми инглиз тилида гапиришга? Tashkent city'га халқим оилангиз билан келиб дам олинг, деб даъват қилдингизу, 4 та боласини олиб келган оддий оила 60 минг сўм тўлаб қийналишини ўйламадингизми? Таклифни халқнинг моддий жиҳатдан қийналмайдиган қисмига билдирсангиз тўғрироқ бўларди.
Мавзуга доир:
