Туркиянинг Газиантеп шаҳрида жойлашган шифохонада кислород аппарати портлади. Бунинг оқибатида саккиз кишининг ҳалок бўлгани аниқланди. Бу ҳақда “Anadolu” хабар бермоқда.
Маълум қилинишича, портлаш Газиантеп университети қошидаги касалхонада коронавирус билан касалланган беморларни жонлантириш бўлимида содир бўлган. Ҳозирча портлаш оқибатида жабрланганларнинг шахси ҳақида маълумот берилмаган.
Катта эҳтимол билан уларнинг барчаси коронавирусдан даволанаётган беморлар эканлиги айтилмоқда.
Хабарга кўра, интенсив терапияда даволанаётган 14 нафар бемор бошқа касалхоналарга ўтказилган. Ушбу масала бўйича суд ва маъмурий тергов ишлари бошланган.
