Буюк Британияда коронавируснинг янги тури аниқланган. Мутахассисларнинг фикрига кўра, вирус жуда тез суръатда тарқалмоқда ва юқумли ҳисобланади.
Мамлакат бош вазири Борис Жонсон коронавируснинг янги тури чиққани туфайли айрим ҳудудларда хавфлиликнинг тўртинчи даражасини жорий этди.
Буюк Британия билан кўплаб давлатлар, хусусан, Италия, Нидерландия, Бельгия парвозларни тўхтатишга қарор қилди.
Жаҳон соғлиқни сақлаш ташкилоти Дания ва Австралияга ҳам коронавируснинг янги тури кириб келганини маълум қилди.
