Фарғона туманида корхона қарздорлигини ЭТК базасидан чиқариб бермоқчи бўлган ҳудуд инспекторига нисбатан жиноят иши қўзғатилди. Бу ҳақда "darakchi.uz"га Бош прокуратура Матбуот хизмати хабар берди.
Маълум қилинишича, Бош прокуратура ҳузуридаги Департаментнинг Фарғона туман бўлими томонидан ўтказилган терговга қадар текширувда, Фарғона тумани Электр тармоқлари ҳудуд инспектори М.А. “Д.” хусусий корхонасига қарашли ёғочни қайта ишлаш цехига ўрнатилган электр ҳисоблагичнинг носозлиги сабабли келиб чиққан 42 млн сўм қарздорликни ЭТК базасидан чиқариб, янги ҳисоблагич ўрнатиб бериш эвазига 3 млн сўмни фирибгарлик йўли билан олганлиги аниқланган.
Мазкур ҳолат юзасидан М.А.га нисбатан Жиноят кодексининг 168-моддаси 1-қисми билан жиноят иши қўзғатилиб, тергов ҳаракатлари ўтказилмоқда, дейилади хабарда.
