Олимларнинг фикрига кўра, Буюк Британияда аниқланган янги коронавирус SARS-CoV-2 аввалги мутацияларга қараганда юқумли бўлиб, келгуси йилда касалланганларнинг ва ўлим ҳолатининг кўпайишига олиб келиши мумкин. Ушбу хулосага Лондон гигиена ва тропик тиббиёт мактабининг юқумли касалликларини математик моделлаштириш маркази олимлари келишди.
Математик моделдан фойдаланган олимлар VOC 202012/01 деб номланган коронавируснинг янги вариантини бошқа штаммлар билан таққослашди ва у 56% кўпроқ юқтирганлигини аниқладилар.
"Вируснинг юқтириш қобилияти касалланишнинг сезиларли даражада ўсишига олиб келиши мумкин, чунки касалхонага ётқизилганлар ва ўлим сони COVID-19 2021 йилда 2020 йилга нисбатан юқори даражага етиши кутилмоқда", - дея огоҳлантирмоқда улар.
