"Ўғри беркитиб олар", деганларидек 1990 йилда туғилган Зарафшон шаҳар 4-кичик туманда яшовчи, муқаддам судланмаган, Навойи кон-металлургия комбинати Марказий кон бошқармасига қарашли марказий моддий техник база ишчиси К.К ўзганинг мол-мулкини яширин равишда талон-торож қилиш мақсад қилди. У жорий йилнинг 8 декабрь куни 1968 йилда туғилган Зарафшон шаҳар 7-кичик туманда истиқомат қилувчи, 3-сонли шаҳар шифохонаси ҳамшираси Р.Днинг яшаш хонадонига ўзида бўлган калит билан ғайриқонуний равишда кириб, хонадонда бўлган шкаф ичидан 6740 АҚШ доллар ҳамда 21 млн сўм пулларини ўғирлаб кетаётган вақтда ЖҚБ вакиллари томонидан далилий ашёлар билан қўлга олинган.
Жиноят жазосиз қолмаганидек энди ушбу фуқаро ҳам қилмишига яраша жазо олади. Унга нисбатан Ўзбекистон Республикаси Жиноят кодексининг 169-моддаси 3-қисми билан жиноят иши қўзғатилган. Ҳозирда суриштирув ишлари олиб борилмоқда.
Ширингул АСОЕВА, Навоийдан тайёрланди
