Қўштирноқ ичидаги сохта тадбиркорлар томонидан юртимизда яратилаётган имкониятларга қарамай божхона назоратидан яширган холда ноқонуний равишда товарларни олиб кириш холатлари ҳанузгача учраб турибди. Ачинарлиси ушбу олиб кирилаётган товарлар бевосита инсон соғлигига ўз таъсирини кўрсатувчи хисобланади.
Жумладан, Навоий халқаро аэропортига хорижий авиарейс билан юборилган курьерлик жўнатмалари божхона ходимлари томонидан холислар иштирокида кўрикдан ўтказилди. Натижада божхона назоратидан яширилган ва хужжатларда кўрсатилмаган ҳамда сифатини кафолатловчи хеч қандай хужжатлари бўлмаган умумий қиймати қарийб 40 мллион сўм бўлган кўз линзалари борлиги аниқланди.
Минг афсуски, ҳеч қандай қийинчилик ва оворагарчиликни талаб қилмайдиган расмий ҳужжатлар қилинмаганлиги ўқувчиз тадбиркорга анчагина зарар бўлди. Ҳозирда мазкур ҳолат юзасидан суриштирув ишлари олиб борилмоқда.
Шунингдек, Навоий халқаро аэропортига хорижий авиарейс билан юборилган курьерлик жўнатмалари божхона ходимлари томонидан холислар иштирокида божхона кўригидан ўтказилди. Натижада сифати кафолатланмаган, божхона назоратидан яширилган ва хужжатларда кўрсатилмаган умумий қиймати қарийб 28 миллион сўм бўлган дори воситалари ва тиббиёт буюмлари борлиги аниқланди.
Найрангбозликнинг якуний хулосаси тадбиркорнинг 28 млн.лик буюмларидан айрилишига олиб келган. Бу ҳолат бўлмаслиги ҳам мумкин эди. Яъни ўрнатилган тартиб асосида куръерлик жўнатмалари амалга оширилса, тадбиркор ҳам даромад манбаидан қуруқ қолмаган ҳолда, ўз режасини амалга ошира олиш имкони мавжуд эди.
Ҳозирда мазкур ҳолат юзасидан суриштирув ишлари олиб борилмоқда.
Ширингул АСОЕВА, Навоийдан тайёрланди
