26 ёшли Туркиялик машҳур ошпаз Czn Burak 28 декабрь куни Instagram story’сида Ўзбекистондан юборилган совғалар учун Отабек Умаровга миннатдорлик билдирган.
Истанбуллик 26 ёшли Бурак Оздемир улкан таомлари билан дунёга машхур. Энг қизиғи ошпаз таом тайёрлаш вақтида кўзларини камерадан узмайди ва фақат жилмайиб туради.
Видеодан маълум бўлишича, Отабек Умаров Буракга мамлакат герби акс этган, «Uzbekistan» ёзувли 2 та қутида совға юборган. Биринчи қутида атлас мато остига мевалар жойланган, иккинчи қутида эса турли хил қуруқ мевалар, писта, бодом кабилар жойланган.
