Украина Миллий тиббиёт палатаси раҳбари Сергей Кравченко бош санитария шифокори Олег Ляшконинг мамлакатда Россиянинг "Спутник V" коронавирус вакцинасини рўйхатдан ўтказиш мумкин эмаслиги ҳақидаги сўзларини «ёлғон» деб атади. Бу ҳақда у ўзининг Facebook саҳифасида ёзган, дейилмоқда ria.ru хабарида.
Аввалроқ Ляшко клиник синовларнинг тугалланмаган учинчи босқичи туфайли вакцинани рўйхатдан ўтказиш имконсиз деб айтган эди.
Кравченко ўтган йилнинг февраль ойида Бутунжаҳон соғлиқни сақлаш ташкилоти "СОВИД-19 га қарши вакцинани ишлаб чиқиш мезонларини аниқлади ва барча мамлакатларга глобал пандемия билан боғлиқ равишда вакциналарни фавқулодда рўйхатдан ўтказиш тартибига ўтишни тавсия қилганини" эслади.
Украина Миллий тиббиёт палатаси раҳбари таъкидлаганидек, шу кунгача дунёда ушбу схема бўйича саккизта вакцина рўйхатдан ўтган. "Бироқ, уларнинг ҳеч бири клиник синовларнинг учинчи босқичини тўлиқ бажармаган", - дея қўшимча қилди у.
Аввалроқ, Украина Бош вазири Денис Шмыгаль Украина коронавирусга қарши Россия вакцинасини ишлата олмайди, чунки у клиник синовларнинг учинчи босқичидан ўтмаган ва ҳозирда Россия вакцинасини сотиб олиш тўғрисида гап кетмаётганини таъкидлаган эди. Украина ташқи ишлар вазири Дмитрий Кулеба Россиянинг коронавирусга қарши "Спутник V" вакцинасини Россиянинг Украинага қарши "гибрид қуроли" деб атади.
Россия президенти Владимир Путин аввалроқ Украинани коронавирусга қарши Россия вакцинаси билан таъминлаш имконияти мавжудлигини айтган, аммо Киевдан илтимос зарур, дейилади хабарда.
Эслатиб ўтамиз, 2019 йил 31 декабрда Хитой ҳукумати Жаҳон соғлиқни сақлаш ташкилотига мамлакатнинг марказий қисмидаги Ухань шаҳрида (Хубей вилояти) номаълум пневмония юқиши ҳақида хабар берди. Мутахассислар янги коронавирус касалликнинг қўзғатувчиси бўлганлигини аниқладилар, кейинчалик касаллик расман COVID-19 деб номланди. ЖССТ 11 март куни дунёда янги коронавирус вируси пандемиясини эълон қилди.
